როგორ დავბეჭდოთ წებოვან ეტიკეტზე Deli DL-720C ან DL-886A პრინტერით

ქვემოთ მოცემული ინსტრუქცია მომზადებულია პრინტერისთვის Deli DL-720C, წებოვანი ეტიკეტისთვის ზომით 60x40 მმ, ოპერაციული სისტემა Windows 7-სთვის და საბეჭდი პროგრამისთვის Word 2007. თუ გაქვთ პრინტერი Deli DL-866A, ქვემოთ მოცემულ ინსტრუქციაში DL-720C-ს მაგივრად გამოიყენეთ DL-886A და ისე მიჰყევით ინსტრუქციას.

ჩამოტვირთეთ საჭირო დრაივერები ბმულიდან:

ამ ბმულიდან გვჭირდება მხოლოდ დრაივერის ჩამოტვირთვა. დამატებითი პროგრამის BarTender-ის ჩამოწერა სავალდებულო არ არის.

ჩამოტვირთული პროგრამა სახელად "Deli_2024.1.exe" გაუშვით, რათა დაყენდეს დრაივერები. მიჰყევით საინსტალაციო პრორამაში არსებულ ინსტრუქციას "Next" ღილაკზე დაჭერით. პროგრამის წარმატებულად დაყენების შემდეგ თქვენს ეკრანზე გამოჩნდება საქაღალდე "Seagull".

გახსენით "Control Panel". გახსენით "Device Manager". "Other devices"-ში იპოვეთ "Deli DL-720C". კონტექსტურ მენიუდან ამოირჩიეთ "Update Driver Software". ამოირჩიეთ "Browse my computer for driver software". "Browse" ღილაკზე დაჭერით აირჩიეთ თქვენს ეკრანზე არსებული "Seagull" საქაღალდე. დააჭირეთ ღილაკს "Next". დააჭირეთ ღილაკს "Install".

დრაივერების დაყენების შემდეგ გახსენით "Control Panel". გახსენით პუნქტი "Devices and Printers". შემდეგ "Printers and Faxes" სიაში იპოვეთ "Deli DL-720C". კონტექსტური მენიუდან ამოირჩიეთ "Printing preferences". გამოჩნდება ფანჯარა "Deli DL-720C Printing preferences". ამ ფანჯრის "Page setup" ჩანართში დააწექით ღილაკს "New".

"Label Size" ზომის გრაფებში ჩაწერეთ თქვენს ხელთ არსებული ერთი ცალი წებოვანი ეტიკეტის სიგრძე და სიგანე ველებში "Width" და "Height" შესაბამისად. მაგალითად, სიგრძის ველში "60mm" და სიგანის ველში "40mm". "Exposed Linear Widths" ველში ჩაწერეთ ნულები. მას მერე რაც დააწვებით "OK" ღილაკს, თქვენ უკვე შეგიძლიათ დაბეჭდოთ ეტიკეტზე სხვადასხვა პროგრამის დახმარებით, იქნება ეს Word, Excel, Paint, PhotoShop თუ სხვა.

იმისთვის, რომ დავბეჭდოთ Word 2007-ის გამოიენებით, პირველ რიგში, უნდა დავაყენოთ ფურცლის სწორი ზომა. "Page Layout" ჩანართში დააჭირეთ "Size" ღილაკს. მენიუდან აირჩიეთ "More Paper Sizes". გამოჩნდება ფანჯარა "Page Setup".

"Margins" ჩანართში "Top", "Bottom", "Left" და "Right" ველებში ჩაწერეთ ნული, ან მცირე ზომა, რათა წებოვან ეტიკეტზე ბეჭდვისას ადგილი არ დავკარგოთ.

"Paper" ჩანართში "Width" და "Height" გრაფებში მიუთითეთ ერთ ცალი წებოვანი ეტიკეტის ზომა. მაგალითად, "60mm" და "40mm" შესაბამისად. "OK" ღილაკზე დაჭერის შემდეგ ფურცლის ზომა დაპატარავდება.

თქვენ უკვე შეგიძლიათ შეადგინოთ დასაბეჭდი დოკუმენტი. დაბეჭდვამდე დარწმუნდით, რომ დამბეჭდავ პრინტერში არჩეულია "Deli DL-720C".

შენიშვნების შესახებ მოგვწერეთ კომენტარებში.
გისურვებთ წარმატებას!