მობილური ვერსია
საკანცელარიო მაღაზია

ჩვენი სტრატეგიული პარტნიორი - Deli Stationery »

კომპანიამ Deli Stationery მოღვაწეობა 1988 წელს ნინგბოში, ჩინეთში, დაიწყო, როგორც პლასტმასზე მომუშავე პატარა სახელოსნომ. უკანასკნელი 28 წლის მანძილზე მომხმარებლებისთვის ხარისხიანი პროდუქციისა და მომსახურების მიწოდებით, Deli Stationery გახდა საოფისე და საკანცელარიო საქონლის წამყვანი ბრენდი ჩინეთსა და აზიის უდიდეს საწარმოო ბაზაზე. 7000-ზე მეტი თანამშრომლით მთელს მსოფლიოში, Deli Stationery დღესდღეობით ფლობს ფილიალებს დუბაიში, მოსკოვში, მუმბაიში და ტოკიოში.
Deli Stationery-ს აქვს პროდუქციის სრულყოფილი ასორტიმენტი, რომელიც მოიცავს 12 კატეგორიას და 3000-ზე მეტ პროდუქტს- ს. Deli Stationery- ს ძირითადი წამყვანი კატეგორიებია: წებოვანი პროდუქტები, კალკულატორები, საოფისე ნივთები, ჩასაფაილებელი მასალები, სტუდენტური საკანცელარიო ნივთები, თეთრი დაფები და საწერი კალმები. Deli Stationery - ყველა ტიპის საოფისე ნივთების შეძენის უნივერსალური გადაწყვეტაა.

ჩინეთის ბაზარზე Deli Stationery-ს პროდუქცია შეიძლება მოიძებნოს 50 000-ზე მეტ საცალო ლოკაციაზე - უზრუნველყოფს რა ხარისხიან საოფისე და საკანცელარიო გადაწყვეტილებას მილიონობით მომხმარებლისთვის.
საერთაშორისო დონეზე, Deli Stationery-ს პროდუქციის ექსპორტი ხუთი კონტინენტის 150-ზე მეტ ქვეყანაში ხორციელდება. სეულიდან დაწყებული სტოკჰოლმით დამთავრებული, და მოსკოვიდან მუმბაიმდე და ჯაკარტადან იოჰანესბურგამდე, Deli Stationery-ის გლობალური არსებობა სწრაფად ფართოვდება.

Deli Stationery-ს საწარმოო სიძლიერე და სტრატეგიული უპირატესობა შეუდარებელია ინდუსტრიაში. ოთხი სამრეწველო ზონა და 12 სპეციალიზირებული ქარხანა, რომელიც მოიცავსთითქმის 600,000 მ2, Deli Stationery ინარჩუნებს აზიის საკანცელარიო ნაწარმის უმსხვილეს საწარმოო ბაზას და უზრუნველყოფს დამოუკიდებელი მუშაობისა და პროდუქტისგანვითარების ერთობლივ საიმედო გარანტირებულ ხარისხს. Deli Stationery სრულყოფილად ასრულებს წარმოების მთელს პროცესს. პრესს-ფორმის წარმოების პირველივე ეტაპიდან დაწყებული და საბოლოოდ აწყობით დამთავრებული, ჩვენ მომხმარებელს ვთავაზობთ ხარისხის მკაცრი კონტროლის პროცედურებს და კონკურენტუნარიანი ფასების ზღვარს.

Deli Stationery-ში ჩვენ გვესმის სტრატეგიული ბიზნეს პარტნიორობის განვითარების მნიშვნელობა. ჩვენ ვთვლით, რომ თითოეული კლიენტი მჭიდრო პარტნიორია. ჩვენი ვცდილობთყოველთვის სრულყოფილად, პატიოსნად და სამართლიანად მოვემსახუროთ ჩვენს კლიენტებს და დიდი სიამოვნებით ვასრულებთ ამ დანაპირებს. ჩვენ ვცდილობთ, მოვემსახუროთ ჩვენს კლიენტებს პროფესიონალიზმითა და ხარისხიანად. მოდით ვიმუშაოთ ერთად.

Carte Noire-ის ისტორია: როგორ დავლიოთ ყავა ფრანგულად »

Carte Noire-ის ისტორია: როგორ დავლიოთ ყავა ფრანგულად

თავისი ბრწყინვალე, ინტენსიური არომატით, Carte Noire გახდა ყველაზე სასურველი ფრანგული პრემიუმ ყავის ბრენდი. აღმოაჩინეთ მისი ისტორია და რატომ არის ის ნომერ პირველი ყავის ბრენდი საფრანგეთში.
პარიზული კაფის კულტურას აძლიერებს კერძების, ღვინისა და რა თქმა უნდა, შესანიშნავი ყავის ზეციური ერთიანობა. ფრანგული სამზარეულო შესანიშნავად არის გამოფენილი ბისტროებსა და ბულვარის ტერასებზე მთელს პარიზში, და სწორედ აქ, თოთოეულ ყავის ფინჯანში, Carte Noire - საფრანგეთის რჩეული ყავის მარცვალი გამოირჩევა თავისი შესანიშნავი გემოთი.
და „თუ სიცოცხლე ასე ნავარდობს“, რატომაც არ უნდა ასიამოვნოთ თქვენს თავს ფინჯანი Carte Noire -ით? ახალი და მაცდუნებელი, საფრანგეთის რჩეული ყავის მარცვალი წარმოაჩენს თანამედროვე პარიზულ შტრიხს.
მდიდრული და ინტენსიური ყავა შექმნა შეზავებისა და ყავის მარცვლის ოსტატმა რენე მონნიერმა, თითქმის 40 წლის წინ. სიტყვასიტყვით თარგმანი ნიშნავს "შავი ბარათი", ბრენდმა მოახდინა სრული რევოლუცია ფრანგული მარცვლის ყავის ბაზარზე, წარმოადგინა რა სუფთა პრემიუმ არაბიკას დაუვიწყარი და დიდებული გემო.
ჯერ კიდევ 1970-იანებში ყავის მზა სახეობებიდან უკვე გამორჩეული გახდა პრემიუმ არაბიკას და რობუსტას მარცვალი. Carte Noire-მა უფრო მეტად მოხიბლა მთელი ერი თავისი პრემიუმ არომატით, როდესაც ასევე სრულიად პირველმა მსოფლიოში წარმოადგინა დაფასოებული პაკეტები. მაშინ როცა ყავის სხვა ბრენდები ინახებოდა მყარ ყუთებში, მონიერს სურდა გამოსულიყო დიზაინის საზღვრებიდან. ფანტასტიკური ფრანგული კუტურიესა და პარიზული ცხოვრების წესის გათვალისწინებით, მისი Carte Noire ჰგავდა სასურველ საუცხოო ნივთს, რომანტიულ საჩუქრად შესათავაზებელ ობიექტს.
ამ ფორმულამ გამოისყიდა თავისი თავი და რამდენიმე ათწლეულის მანძილზე ბრენდმა შეინარჩუნა იგივე ამბიცია და ემოცია, ვითარდება რა მუდმივად, რათა არ ჩამორჩეს ყავის კულტურის ტენდენციებს. დღეს Carte Noire ფლობს შეუდარებელი მარცვლის ყავის თანამედროვე პორტფოლიოს კაფესთვის იქნება თუ ყავის აპარატისთვის - და ცხოვრების ყველა შემთხვევისთვის არომატული დილის დაყენებული ყავით დაწყებული და სადილის შემდგომი ესპრესოს თუ საღამოს უკოფეინო ყავის ვარიანტებით დამტავრებული.

ამ გამოცდილებითა და ინოვაციით, გასაკვირი არ არის, რომ Carte Noire არის ნომერ პირველი ყავის ბრენდი საფრანგეთში. პარიზის დახვეწილი გემოვნების გამო, რატომ არ უნდა შევეცადოთ გავსინჯოთ დღეს Carte Noire-ის ერთი ფინჯანი?
ძლიერი, შესანიშნავი და დაუვიწყარი
თითქმის 40 წლის წინ, როუსტერისა და ყავის მარცვლის ოსტატის რენე მონნიერის მიერ შექმნილი, Carte Noire წარმოადგენს საფრანგეთის ყველაზე გაყიდვად ყავას.
ასიამოვნეთ თქვენ შეგრძნებებს და მოიდუღეთ უგემრიელესი დაუვიწყარი არომატის ყავა და მიიღეთ დღევანდელი დღის მადლი.

წყარო:
19 MAY 2017 • 2:45AM
The Telegraph
http://www.telegraph.co.uk/food-and-drink/spoil-your-dad/how-to-drink-coffee-like-the-french/

საუკეთესო ქართული ჩაი "გურიელი" »

საუკეთესო ქართული ჩაი "გურიელი"
"გურიელი" გახლავთ კომპანია "გეოპლანტის" ერთ-ერთი ბრენდი, რომელიც 2010 შეიქმნა. არის არომატული თვისებებით გამორჩეული, ექსკლუზიური დიზაინისა და სახასიათო ლოგოტიპით ბრენდირებული, საექსპორტო პოტენციალის მქონე უმაღლესი ხარისხის ჩაი, რომელიც მოყვანილია ეკოლოგიურად სუფთა გარემოში, იკრიფება ხელით სეზონის საუკეთესო პერიოდში და მუშავდება ყოველგვარი ქიმიური დანამატების გარეშე, მოვლა-მოყვანისა და გადამუშავების მდიდარი გამოცდილებისა და თანამედროვე ტექნოლოგიების გამოყენებით.

ქართულმა ბრენდმა თავიდანვე უდიდესი მოწონება და მხარდაჭერა მოიპოვა როგორც ადგილობრივ, ასევე საექსპორტო ბაზარზეც.

მე პირადად სიამოვნებით მივირთმევ ამ უგემრიელეს ჩაის შესვენების დროს გემრიელ ნამცხვართან ერთად :)

ჯადოსნური მაღვიძარა »

ჯადოსნური მაღვიძარა!
წარმოგიდგენთ ჯადოსნურ მაღვიძარას!

მისი სასიამოვნო ჯადოსნური ხმა გაგაღვიძებთ არამარტო თქვენ, არამედ თქვენს მეზობლებსაც! ხოლო დროულად გაღვიძებული მეზობლები სამარადისოდ იქნებიან თქვენი მადლიერნი (რა იცით სად შიძლება დაგვიანებოდა მეზობელს, რომ არა თქვენი ჯადოსნური მაღვიძარა)!

თუ თქვენ გაქვთ ჯადოსნური მაღვიძარა, დაივიწყეთ ბავშვების გაღვიძების პრობლემა! განურჩევლად იმისა სტუდენტია თქვენი შვილი, სკოლისა თუ ბაღის მოსწავლე, ისინი საოცარად მალე აღმოჩნდებიან ფხიზელ მდგომარეობაში და ჯარისკაცის სისწრაფით დატოვებენ საძინებელ ოთახს.

საოცრად საჭირო ნივთია ჯადოსნური მაღვიძარა ქალბატონებისათვის! - თუ თქვენ მეუღლეს ნაბახუსევზე კატეგორიულად არ სურს საყვარელი ლოგინის დატოვება, თქვენ კი გინდათ, რომ სთხოვოთ მას ნაგვის გადაყრა, ან ბავშვების საუზმისათვის პურის ამოტანა, რომლის წინა დღით ყიდვა თქვენ დაგავიწყდათ, ან გნებავთ რომ მეუღლემ წაგიყვანოთ თქვენ სამსახურში, ხოლო დედათქვენი წაიყვანოს ბაზარში ან საყიდლებზე, მოკლედ, ნებისმიერ შემთხვევაში როცა გნებავთ რომ თქვენი მეუღლე ულაპარაკოდ და მყისიერად წამოდგეს ლოგინიდან, თქვენთვის შეუცვლელი ნივთია ჯადოსნური მაღვიძარა.

ასევე განუყრელი ცხოვრების მეგზურია ჯადოსნური მაღვიძარა მამაკაცებისათვის! როცა გადაწყვეტთ ნადირობას, თევზაობას ან დაგეგმავთ ნებისმიერ რამეს მეგობრებთან ერთად, თქვენ აღარასდროს აღმოჩნდებით თავშეყრის ადგილას ბოლო და არ მოისმენთ მეგობრების წუწუნსა და საყვედურებს.

ბუნებაში გვხვდება დიდი ჯადოსნური მაღვიძარა და პატარა ჯადოსნური მაღვიძარა.

დიდი ჯადოსნური მაღვიძარა გამოირჩევა საოცარი და ძალზედ თავისებური ინტელექტით. მას შეგიძლიათ დაუჯდეთ და მეგობრულად ესაუბროთ ნებისმიერ თქვენთვის მნიშვნელოვან საკითხზე, გაუნდოთ ნებისმიერი საიდუმლო, გაუზიაროთ თქვენი აზრები, სიხარული, გულისტკივილი. შეგიძლიათ ესაუბროთ პოლიტიკაზეც კი! და მას არასდროს, არცერთი სიტყვა არ დასცდება არავისთან.

რაც შეეხება პატარა ჯადოსნურ მარვიძარას - ის ძალიან საყვარელი, ლამაზი და მეგობრულია, მაგრამ მასთან საუბარს არ გირჩევთ - პატარაა მაინც ჯერ და ჭკუა არ მოეკითხება...

თქვენ წარმოიდგინეთ, ჯადოსნური მაღვიძარა გვხვდება სამ უიშვიათეს, გამაოგნებელ ფერში! ესენია: თეთრი, შავი და ყავისფერი. არავინ იცის, თუ რა ფერის მაღვიძარა ამოგირჩევთ თქვენ თავის რჩეულად. მათ განსაკუთრებული მისია ეკისრებათ შორეული ჩინეთის ჯადოსნურ, იდუმალებით და ბურუსით მოცულ მთებში, საიდანაც ისინი ნაწილდებიან მთელს პლანეტაზე!

და აი კითხვა: როგორ უნდა გავხდეთ ჯადოსნური მაღვიძარების მფლობელები?
- ეს ძალზედ მარტივია! შეუკვეთეთ საკანცელარიო ნივთები თქვენი ოფისისათვის ან პირადად თქვენთვის საიტზე www.geosm.ge და შენიშვნის გრაფაში ჩაწერეთ სიტყვა „გამაღვიძე“!
- შეკვეთები შეგიძლიათ გააკეთოთ როგორც დარეგისტრირების შემდეგ, ასევე დაურეგისტრირებლადაც. ოღონდ დარეგისტრირების შემთხვევაში ისარგებლებთ დამატებითი შეღავათებით!
- თუ თქვენი შეკვეთის ღირებულება აღემატება 120 ლარს - საჩუქრად მიიღებთ პატარა ჯადოსნურ მაღვიძარას!
- თუ თქვენი შეკვეთის ღირებულება აღემატება 160 ლარს - საჩუქრად მიიღებთ დიდ ჯადოსნურ მაღვიძარას!
- ხოლო თუ თქვენი შეკვეთა აღემატება 60 ლარს მაგრამ ვერ მიაღწევს 120 ლარს - თქვენ საჩუქრად გადმოგეცემათ ლამაზი, არაჯადოსნური, მაგრამ ხასხასა წითელი ფერის ყავის ჭიქა. სულ არაფრობას ყავა მაინც გამოგაფხიზლებთ და მოგიყვანთ კარგ განწყობაზე.
არ დაგავიწყდეთ შენიშვნაში მიუთითოთ ჯადოსნური სიტყვა „გამაღვიძე“! წინააღმდეგ შემთხვევაში ჩვენი შემოთავაზება ძალაში ვერ იქნება.

როგორც ყველაფერი კარგი და ჯადოსნური, ასევე ჯადოსნური მაღვიძარების რაოდენობაც ჯადოსნურად მცირეა! ამიტომ ჩვენი შემოთავაზება ძალაშია მხოლოდ 30 სექტემბრამდე. გისურვებთ სასიამოვნო გაღვიძებას!

ზევით დაბრუნება
English · ქართული
© 2011-2018
შპს "კომპანია Geosm"
ყველა უფლება დაცულია
მობილური ვერსია