როგორ დავბეჭდოთ წებოვან ეტიკეტზე Deli DL-720C პრინტერით
რა დაგვჭირდება
• პრინტერი: Deli DL-720C
• თერმული წებოვანი ეტიკეტის რულონი
• ოპერაციული სისტემა: Windows 7 ან Window 10
• პროგრამა რითიც დავბეჭდავთ: Word, Excel, Paint, Photoshop ან სხვა
ქვემოთ მოცემული ინსტრუქცია მომზადებულია წებოვანი ეტიკეტისთვის ზომით 60x40 მმ, Windows 7-სთვის და საბეჭდი პროგრამით Word 2007.
დრაივერების დაყენება
ჩამოტვირთეთ საჭირო დრაივერები ბმულიდან:
ამ ბმულზიდან გვჭირდება მხოლოდ დრაივერის ჩამოტვირთვა. დამატებითი პროგრამის BarTender-ის ჩამოწერა სავალდებულო არ არის.
ჩამოტვირთული პროგრამა სახელად "Deli_2021.1.exe" გაუშვით, რათა დაყენდეს დრაივერები. მიჰყევით საინსტალაციო პრორამაში არსებულ ინსტრუქციას "Next" ღილაკზე დაჭერით. პროგრამის წარმატებულად დაყენების შემდეგ თქვენს ეკრანზე გამოჩნდება საქაღალდე "Seagull".
გახსენით "Control Panel". გახსენით "Device Manager". "Other devices"-ში იპოვეთ "Deli DL-720C". კონტექსტურ მენიუდან ამოირჩიეთ "Update Driver Software". ამოირჩიეთ "Browse my computer for driver software". "Browse" ღილაკზე დაჭერით აირჩიეთ თქვენს ეკრანზე არსებული "Seagull" საქაღალდე. დააჭირეთ ღილაკს "Next". დააჭირეთ ღილაკს "Install".
ეტიკეტის ზომის დაყენება
დრაივერების დაყენების შემდეგ გახსენით "Control Panel". გახსენით პუნქტი "Devices and Printers". შემდეგ "Printers and Faxes" სიაში იპოვეთ "Deli DL-720C". კონტექსტური მენიუდან ამოირჩიეთ "Printing preferences". გამოჩნდება ფანჯარა "Deli DL-720C Printing prefeences". ამ ფანჯრის "Page setup" ჩანართში დააწექით ღილაკს "New".
"Label Size" ზომის გრაფებში ჩაწერეთ თქვენს ხელთ არსებული ერთი ცალი წებოვანი ეტიკეტის სიგრძე და სიგანე ველებში "Width" და "Height" შესაბამისად. მაგალითად, სიგრძის ველში "60mm" და სიგანის ველში "40mm". "Exposed Linear Widths" ველში ჩაწერეთ ნულები. მას მერე რაც დააწვებით "OK" ღილაკს, თქვენ უკვე შეგიძლიათ დაბეჭდოთ ეტიკეტზე სხვადასხვა პროგრამის დახმარებით, იქნება ეს Word, Excel, Paint, PhotoShop თუ სხვა.
ბეჭდვა Word-ის გამოყენებით
იმისთვის, რომ დავბეჭდოთ Word 2007-ის გამოიენებით, პირველ რიგში, უნდა დავაყენოთ ფურცლის სწორი ზომა. "Page Layout" ჩანართში დააჭირეთ "Size" ღილაკს. მენიუდან აირჩიეთ "More Paper Sizes". გამოჩნდება ფანჯარა "Page Setup".
"Margins" ჩანართში "Top", "Bottom", "Left" და "Right" ველებში ჩაწერეთ ნული, ან მცირე ზომა, რათა წებოვან ეტიკეტზე ბეჭდვისას ადგილი არ დავკარგოთ.
"Paper" ჩანართში "Width" და "Height" გრაფებში მიუთითეთ ერთ ცალი წებოვანი ეტიკეტის ზომა. მაგალითად, "60mm" და "40mm" შესაბამისად. "OK" ღილაკზე დაჭერის შემდეგ ფურცლის ზომა დაპატარავდება.
თქვენ უკვე შეგიძლიათ შეადგინოთ დასაბეჭდი დოკუმენტი. დაბეჭდვამდე დარწმუნდით, რომ დამბეჭდავ პრინტერში არჩეულია "Deli DL-720C".
შენიშვნების შესახებ მოგვწერეთ. გისურვებთ წარმატებას!